08.08.2018

Heimat Schortens

Dat platte Land – Heimat – Literatur: Woans passt dat tohoop? An dat Bispeel vun Schortens speelt Yulian Ide düsse Fraag dör. Denn aver nimm he sülvst den Faden op: in acht „schort.stories“ entwickelt he en Togang to en nee’e Heimatliteratur. Vun dor fraagt he na en Markt för moderne Heimatliteratur un he maakt en PR-Kampagne för Literatur op’t Land.

Wat Yulian Ide mit siene „schort.stories“ (rutkamen in dree Heften) vörleggt, dat is sien Masterarbeit in „Angewandte Literaturwissenschaft“ an de FU Berlin. As Student hett he al arbeidt bi den Verbrecher Verlag un as free‘en Schriever för die Berliner Zeitung, ZEIT Online un jetzt.de. Na sien Studium weer he bi dat Goethe-Institut Rotterdam, un siet Anfang 2018 is he bi Hoffmann & Campe in de Presse- und Öffentlichkeitsarbeit.

Yulian Ide sien Arbeit wiest: Dat lohnt, mit nee’e Inhalte un Formen an Region un Regionalliteratur rantogahn. Mit sien Methode (oder wat in de Oort) kunn een wiss ok anner Gegenden na dat graven, wat „Heimat“ is.

Yulian Ide: schort.stories. Ein literaturanthropologisches Experiment auf dem Land vor dem Hintergrund der Heimatliteraturtradition in Friesland. epubli 2018, 134 S. – Anhang o.S. – schort.stories [acht Erzählungen]. 2015, o.S.

ISBN 978-3-7467-2205-4