28.08.2017

Geschichten vun Lüüd as du un ik

Wenn dat Enkelkind fraagt "Opa, wat is Leev?", denn mutt de Grootvadder dor en Antwoort op geven könen, ok wenn dat gor nich so licht to is. De Autor ut Sleswig-Holsteen kann dor wat to vertellen. In sien drüdde Book schrifft he vun Saken, de wi all kennt oder so beleven kunnen.

Ralf Spreckels vertellt vun Familie un Naverslüüd, vun dat een oder anner Mallör un vun de Leev. De Geschichten sünd vergnööglich, man mitünner ok to Nadenken.

Meist jeedeen vertellt geern un vertellt veel, man tohören? Wokeen höört vundaag noch richtig to, wat de anner em vertellt? Dor denkt de Sleswig-Holsteener över an. He vertellt vun fröher un vun't Leven in't Dörp. Man dor blifft he nich. In sien Geschichten geiht dat jümmers dorüm, woans en Minsch mit den anner ümgeiht.

Ralf Spreckels: So wat passeert. Hamburg : Wachholtz 2017. ISBN: 9783876514383