09.01.2019

För jeden Dag

Muern – dat is dat Motto för düssen Klenner op dat Johr 2019. Einige Muern bruukt de Minsch (wi wahnt ja in Hüüs), anner Muern hoolt op Afstand un richt groten Schaden an. Un noch anner Muern sünd gor keen Steenwark, man de finnt sik in de Köpp vun de Minschen. Maakt is de Klenner för dat Ollenborger Land – man de Saak mit de Muern gellt nich blots dor.

För jeedeen Maand gifft dat 12 Sieden: en Överblick över den Maand, kulturgeschichtliche Narichten to dat Motto „Muern“, un denn dat egentliche Kalendarium Week för Week. Dor gifft dat vele lütte Narichten to’n Marken un Högen: Wi finnt den Kiek-na-vörn-Dag, wat vör 30 oder 100 Johr ween is oder Henwiesen op plattdüütsche Veranstaltungen: Premieren bi de Nedderdüütschen Bühnen, Lesungen, Vereensleven, Stadtrundgang.

Dorto gifft dat Geschichten un Gedichten vun 32 Schrieverslüüd. De meisten ut dat Ollenborger Land, man dat een oder anner Stück is vun en anner plattdüütsche Kant. Ok de bunten Biller maakt den Klenner lebennig. Rutgeven hebbt den Klenner de Spieker un de Ollenborgsche Landschaft. De Redakschoon harr Rita Kropp.

De plattdüütsch Klenner up dat Jahr 2019. Isensee Verlag : Oldenburg 2018. ISBN 978-3-7308-1483-3