03.12.2019

En goden Geist

Wat maakt en Wichtel, de keen Tohuus mehr hett, wo doch de ole Eek daalhaut warrt, ünner de he leevt? Un wat is los, wenn he denn noch sien allerbesten Schatz verleert? Hoeder Eekboom is en plietschen Wichtel, un so maakt he sik mit de Taalk Kro un Marie, bi de ehr Familie he ünnerkrapen is, op den Padd.

In düt Book, opschreven in dat Platt vun de mönsterlandsche Stadt Stadtlohn, stickt eenmal en Geschicht binnen, de mit veel Plie vertellt warrt - man se wiest uns ok, woans dat Leven op dat Land vör mehr as hunnert Johr utsehg. De Geschicht üm Hoeder Eekboom hebbt sik Ulrike un Uwe Esperester utdacht, ehr Söhn Jonathan hett de Biller tostüert. För de plattdüütsche Version hett den sein Fründ Lars Gietmann sorgt.

An düsse Geschicht warrt all de jümehr Freid hebben, de dat Mönsterland lieden möögt, geern an verleden Tieden denkt oder mehr weten wüllt vun dat Leven an den Anfang vun dat 20. Johrhunnert. De Biller köönt sik ok al de Lüttsten bekieken, man de warrt ok jümehr Spaaß hebbt, wenn se de Geschicht vörleest kriegt.

Ulrike, Uwe, Jonathan Esperester & Lars Gietmann: Hoeder Eekboom – Dän Hööder van de Twillings-Eekel. Münster. agenda Verlag. 2019, 59 S.

ISBN 978-3-89688-651-4