14.08.2019

Dree Schaap

En Kinnerbook mit bunte Biller un en Vertellen vun dree Typen. Düsse Schaap-Typen verstaht Platt allerbest. Se sünd vun'n Charakter her wat ünnerscheedlich, man dat maakt dat Leven ja doch ut. Dat Leven ännert sik, as Buer Heini een Dag nich mehr dor is.

Keen Wunner, dat de dree Frünnen wegloopt. Un se beleevt en ganzen Barg. Un an't Enn finnt se en ne'en Heini. Un de heet Jörg. De Biller sünd na de Würklichkeit maalt. Kinner vun 2 bet 7 Johr finnt dor wiss veel to'n Bekieken. Achtern warrt de Geschicht op veer Sieden noch mal op Hooch vertellt.

Opschreven is dat Stück in Mekelnborger Platt. Man ok all de annern köönt dat geern lesen - ok wenn se sik eerst inlesen mööt.

 

Anke Ortlieb: Mäh! Maa! Möh! Versteihst? Ribnitz-Damgarten: Demmler Verlag 2019, 47 S.

ISBN: 978-3-944102-35-1