04.01.2018

Dör dat Johr

Mit düssen Klenner kümmt een allerbest dör’t Johr. Un dat nich blots in’t Ollenborger Land. Water is dat Thema, dat över allens steiht. Water to’n Drinken, Water in de See oder för Scheep, in de Wulken oder in en Sloot. Jeedeen Maand steiht een vun düsse Punkten bavenan.

För jeden Maand gifft dat 12 Sieden: en Överblick över den Maand, man denn för jeedeen Week dat egentliche Kalendarium. Un dor gifft dat vele lütte Narichten to’n Marken oder to’n Högen: Wi finnt den Dag vun de Neihmaschien, den Geboortsdag vun en bekannten Schriever, en beten wat ut de Ollenborger Geschicht oder Henwiesen op plattdüütsche Veranstaltungen: Premieren bi de Nedderdüütschen Bühnen, Johrsversammeln, Stadtföhrungen.

Dorto gifft dat Geschichten un Gedichten. 23 Schrieverslüüd hebbt wat tostüert. De meisten ut dat Ollenborger Land, man ut anner Gegenden dor dor ok welk mit bi. Biller, Leesstücken un Kalendarium geevt en gode Mischung af. Rutgeven hebbt den Klenner de Ollnborger Kring, de Spieker un de Ollenborgsche Landschaft.

De plattdüütsch Klenner up dat Johr 2018. Isensee Verlag : Oldenburg 2017. ISBN 978-3-7308-1409-3