20.09.2018

De Lütte Muus boot sik en Auto

De Lütte Muus will op Reisen gahn. Man eerstmal mutt se all de Saken bienannersöken, dat se sik en Auto boen kann. Wat se in’t Huus woll allens finnt? Dor seggt Lüttje Muus to: „Nix eenfacher as dat!“

Dat is nu al dat twete Lüttje-Muus-Book. Lesen köönt dat Kinner vun de twete Klass an. Se lehrt de Wöör för Saken, de in’t Huus to finnen sünd, un för Dele, to to en Auto tohöört. Rutkamen sünd ünnerscheedliche Schriev-Versionen för de enkelten Regionen in Neddersassen. Dat Heft is 12 x 12 cm.

För de Arbeitskoppel Platt is cool hett wedder Maike Sönksen de Muus-Geschicht opschreven, un Holger Fischer hett dor de Biller to maal. Bi Platt is cool sitt de Landschaften ut Emsland-Bentheim, Ollenborg, Oostfreesland un Schaumborg mit de Landschaftsverbänn ut Lümborg, Ossenbrügge, Staad, Süüd-Neddersassen, un Weser-Hunte mit dat Kultusministerium un de Schoolbehöörd ut Neddersassen an een Disch.

Lüttje Muus [geiht op Reisen]. Hrsg. v. Platt is cool. Illustrationen: Holger Fischer. Text: Maike Sönksen. Idee und Konzept: Maike Sönksen, Holger Fischer, Cay-Hendryk Meyer. Gestaltung: Anemone Schulze-Herringen. [2018], 24 S.

Woneem een dat bestellen kann, steiht bi: www.platt-is-cool.de.