01.11.2017

Dat Gegendeel vun langwielig

In Hamborg gifft dat en Barg to sehn, to beleven, to drinken un to eten: sööt un solten, nee un oolt, groot un lütt… Op en Duppelsiet stellt Tanja Esch Saken, Steden, Spektakels oder Minschen ut Hamborg vör – un dorto jümmers ok dat Gegendeel: Dor is de „Elfie“ nee un de Laeiszhalle oolt, dat Beer is koolt un de Grog is hitt.

All tohoop warrt 30 Egenschaften dörspeelt, de ok in’t Hoochdüütsche översett sünd. De Biller dorto sünd eenfach, verspeelt un sett sik ut vele enkelte Punkten tohoop. An’t Enn steiht noch kott wat to dat, wat op de Biller op is.

De Book „So un annersrüm“ is nich blots wat för Frünnen vun Hamborg, man ok för Lüüd, de Spaaß an’t Söken un Finnen hebbt un de dor jümehr Freid an hebbt, an eenfach Wöör bannig veel optohangen.

 

Tanja Esch: so un annersrum. Das kleine Hamburg-Buch der Gegensätze. Hamburg: Junius Verlag 2017, de Sieden sünd nich dörtellt.

ISBN 978-3-88506-803-7