12.12.2018

Dag för Dag Gott sien Woort

Dat is ja nu al en Traditschoon mit de plattdüütschen Losungen. Vele Minschen överall in’t Land gifft dat Stütt, wenn se mit Gott sien Woort in den Dag gahn köönt: För jeden Dag gifft dat een Vers ut dat Ole Testament (utloost ut 1824 Bibelwöör), een ut dat Nee’e Testament un een Leedvers, Gebeet oder Spröök, de dorto passen deit.

Mitmaakt hebbt 51 Lüüd ut ünnerscheedliche Gegenden. Den gröttsten Deel hebbt Christen ut Oostfreesland in’t Wark sett. Man bi’t Översetten mitmaakt hebbt ok Minschen ut de Heid, Mäkelborg, Brannenborg, Schleswig-Holstein un Westfalen. Un wo överall ok anner Wöör bruukt warrt, steiht vörweg en lütt Wöörbook.

Dat is gediegen, dat een bi’t Lesen jüst bi de Texten behangen blifft, de nich ut de egen Region sünd. Dor versöcht een denn, den Klang intofangen, de Spraakbiller to begriepen un den Inhalt to verstahn.

Losungen 2019 plattdüütsch, hrsg. von Imke Schwarz im Auftrag der Arbeitsgemeinschaft Plattdüütsch in de Kark Niedersachsen / Bremen. Loccum 2018, 276 S.

ISBN 978-3-9819160-0-3