29.07.2020

As dat Leven so speelt

Naverslüüd, Frünnen un de Familie – all tohoop schrievt se de lütten Geschichten, de dat Leven utmaken doot. De Alldag hett so vele Sieden un so vele Överraschungen - knapp 50 dorvun hett Peter Oster nu as Book rutgeven. Allens vertellt vun Küster Kalli – man nich allens dreiht sik üm de Kark.

Peter Oster leevt in Nordholt, dat liggt dicht bi Bremerhaven. Mit „As dat Leven so speelt“ leggt he dat twete Book vör. 2011 weer “Dor kannst wat beleven” rutkamen. Allens lütte Vertellen to’n Sülvst- un Vörlesen., in de sik vele Minschen wiss in wedderfinnen köönt.

As Hölpsmann för de Schrievwies hett sik Peter Oster Heinz Großmann ut Bremerhaven an Boord haalt. De Biller hett Heinz Glaasker tostüert.

 

Peter Oster: So kann di dat gohn! Küster Kalli vertellt wieder! Oldenburg : Isensee Verlag 2020, 80 S.

ISBN 978-3-7308-1629-5