20.12.2018

Adventsklennervertellen

24 Geschichten hett Ludger Abeln in sein Adventsklenner versammelt. För jeden Dag een, man hier geiht keen Döör op, nee, hier kann man Dag för Dag en nee’e lütte Wiehnachtsgeschicht lesen: De meisten ut uns Tiet – man wi kriegt dat meist gor nich recht mit, dat dor jümmers wedder Figuren mitspeelt, de Caspar, Melchior un Balthasar heet. Oder Niklas. Oder de nich blots so utseht as de Wiehnachtsmann.

Ludger Abeln weer lange Tiet Moderator bi den NDR. Un he weet, wat dat Vertellen vun gode Geschichten utmaken deit. Veel speelt in’t Emsland, woneem he to Huus is, dat gifft lütte Höörspelen, wat mit Kinner oder ole Lüüd. Jüst dorüm magst düssen Adventsklenner so geern to Hand nehmen: Dor stickt jümmers wedder en Överraschung binnen.

All Geschichten sünd op Hooch un Platt afdruckt. So hett jeedeen wat dorvun. De Verlag „NACH OBEN OFFEN“ hett en Book maakt, dat düssen Naam verdeent hett – ok wenn vörn un achtern noch en poor Sieden mehr harrn inbunnen warrn kunnt.

 

Ludger Abeln: Weihnachten im Watt. 24 Geschichten zum Fest. Literarischer Adventskalender. Hochdeutsch, Plattdeutsch. Ill.: Miriam Kramer. Wiesmoor 2018, 192 S.

ISBN 978-3-947789-01-6