03.01.2012

2012 - Dat geiht ja goot loos!

De Lüüd vun't INS wünscht all de Plattsnackers en goden Start in dat Johr 2012! Un överall deit sik wat: In Schleswig-Holsteen schuuvt se an, Platt schall mit anmellt warrn to de UNESCO-Konventschoon för den Schutz vun dat immaterielle Kultur-Arv.

In Bremen gifft dat en Andrag, dat Land schall en Biraat för Platt insetten.

Un in Neddersassen plaant se al dat nee'e Musik-Festival "Plattsounds 2012".

Ok bi de Kultur löppt wat: De Grupp "Blau" stellt den 18. Februar ehr nee'e CD in Bremen vör: Güntsied. An'n 26. Januar stellt de Tüdelband in Hamburg in't Knust ehr twete CD vör: Nieland.

Laat uns tosehn, dat för Platt ok 2012 veel in Gang kümmt.