23.12.2011

2011 – 2012

Dat INS wünscht fröhliche Wiehnachten – achter den Diek, in de Heid un in de grote Stadt. Vele Lüüd – ut de Verene, Literatuurgesellschaften, Kinnergoorns oder Theater – hebbt in de verleden 12 Maand veel för Platt in Gang kregen.

Dat INS hett hulpen, woneem dat man kunn, bi „Platt is cool“, bi dat „plattdüütsche Book vun’t Johr“ un an en Barg anner Steden. Un dor deit sik wat: In Kinnergoorns, in Scholen un op de Straat snackt de Minschen Platt. Uns Spraak is een Klöör vun de noorddüütsche Kultur. Een Klöör, de een kloor ruutkennen kann. Een Klöör, de sik sehn laten kann. Een Klöör, de Tokunft hett.

2012 bringt frischen Wind. Dat fangt dormit an, dat dat INS mit weniger Geld trechtkamen mutt. Dat heet ok: Wi köönt nich mehr so veel wegschaffen. Man dat seggt de Mitarbeiters to: Ok in Tokunft sünd wi dor för jeedeen, de wat över Platt weten will. Un wenn Se mal in Bremen sünd: Kiekt Se mal rin!