Nee'e Böker un CDs

22.02.2018

Luther singen »

Dat Luther-Johr is al üm – man Luther siene Choräle kann een ok singen, wenn nich jüst en Jubel-Fier ansteiht. Düt lütt Singbook versammelt 14 Stücken vun Luther, hier all op Platt. To de Texten hett Oliver Rosteck de Gitarrenakkorden schreven un den Notensatz maakt.
15.02.2018

Ade bet Wenke »

In Noorddüütschland gifft dat en Reeg Namenlandschaften. Een dorvun is Noordfreesland. Wat dat dor an Vörnamen gifft, ut wat för en Spraak de kaamt un wat se bedüden doot, dat finnt sik allens in düt handliche Book.
08.02.2018

Groth ganz groot »

Dat is nu al de twete CD vun „Gerths Bagaasch“ mit Leder vun Klaus-Groth op. Düt mal mit 13 Groth-Stücken, mal Blues, mal Rock, mal Pop. Bavento gifft dat en Leed, dat op en Text vun Edgar Allan Poe trüchgeiht. För’t Singen trechtmaakt hett de Texten Gerth Schmidt, de ok de Musik arrangeert hett.

31.01.2018

Mit Gott sien Woort dör dat Johr »

„Gott seggt: Ik will de, de Dörst het, van de Levensborn geven – heel umsünst.“ So steiht dat över dat hele Johr 2018. Un na dat Motto gifft dat för jeedeen Dag en Stück ut dat Ole un een ut dat Nee’e Testament, un mag ween bavento ok noch wat ut christliche Sammelwarken oder Lederböker.
24.01.2018

Platt küern »

Överall in Noorddüütschland entwickelt Lüüd ut de Schoolpraxis opstunns Materialien för Plattdüütsch in de School. Ok in Westfalen. Wat Studenten för en Uni-Kurs tohoopstellt hebbt, dat is nu in düsse Sammlung för 31 Schoolstünnen trechtmaakt worrn.
18.01.2018

Vun 2 bet 5 »

Sneewulf – so heet de Scheperhund, de överall ünnerwegens is un nafraagt, woneem denn sien Moors afbleven is. He kann em bi’n besten Willen nich wedderfinnen. Wat he nu op sien Tour so allens beleven deit, dat vertellt düt lütte Book.

11.01.2018

Mit Pläseer »

Plattdüütsch in den Pleeg-Alldag is een vun de groten Themen in uns Tiet. Wiet na vörn lopen sünd de Berufsbillen Scholen in den Landkreis Ollenborg. Se hebbt en eerste Sammlung mit Utdrück un Sätz för de Praxis tohoopstellt, de hebbt se grötter maakt un frisch rutgeven. Un nu gifft dat allens ok fö...
04.01.2018

Dör dat Johr »

Mit düssen Klenner kümmt een allerbest dör’t Johr. Un dat nich blots in’t Ollenborger Land. Water is dat Thema, dat över allens steiht. Water to’n Drinken, Water in de See oder för Scheep, in de Wulken oder in en Sloot. Jeedeen Maand steiht een vun düsse Punkten bavenan.
22.12.2017

Geest, Masch un Moor »

He kennt siene Lüüd. Un he kennt sik ut in dat Land twüschen Elv un Weser. Namen as Findorff un Brockes hebbt düt Land jüst so ehren Stempel opdrückt as Jan Rurarz, den de Twete Weltkrieg ut Polen na hier spöölt harr – un de hier bleven is.
21.12.2017

Wat heet hier normaal? »

Jürgen Kropp vertellt vun allerhand Lüüd, de anners tickt as de Rest, de „ut de Kehr“ sünd. Faken sünd wi Lesers ganz dicht bi so‘n Figur, wi luustert so en Minsch to, wo he mit sik sülvst snackt un wo he sik sien egen Kosmos tohoopschoostert. Un mag ween, wi kriegt mit, dat de een oder anner Idee u...
« ‹ 6 7 8 9 10 11 12 13 14 15 › »