Nee'e Böker un CDs

22.06.2017

Köönt Se alleen opstahn? »

Vun „Aufnahme“ un „Einstieg in die Biografie“ över „Informationen zur Befindlichkeit“ bet hen na „Diagnosen und Beschwerden“ un „Alltagstaugliche Kraftausdrücke“ – in düt lütte Heft finnt sik de wichtigsten Wöör un Utdrück, de een bruken kann, wenn een sik üm ole oder kranke Minschen kümmern deit.
15.06.2017

Vun en plietsche Hummel »

Pummel Plüschmoors kümmt en ganze Reeg Deerter in de Mööt. Jeedeen vun jüm hett en Droom, man is sik seker: Dat kann ik nienich schaffen. Avers Pummel is plietsch; se weet: "Geiht nich, gifft't nich!"
08.06.2017

De Literatur hett ehr egen Geschicht »

Een mutt sik doch wunnern, wat dat in de nee’e plattdüütsche Literatur na 1945 allens geven deit. De meisten kennt plattdüütsche Geschichten un Gedichten ut jümehr Gegend – man hier kaamt se vör Dag: Schrieverslüüd vun heel vele Kanten, de mit Plie un Spraakkraft ut Platt en Literatur-spraak maakt.

06.06.2017

Literaturklassiker op Platt »

Nu gifft dat een vun de groten Böker vun de Weltliteratur ok op Platt: „De ole Mann un de See“. Dat Originaal hett Ernest Hemingway schreven, de dorför 1954 mit den Nobelpries för Literatur uttekent worrn is. Op Plattdüütsch överdragen hett de Novelle Herbert Timm.

15.05.2017

Billerwelten »

Heinrich Schürmann siene Lyrik is in de plattdüütsche Literatur eenmalig. He hett vun verscheden Kanten utprobeert, wat „grafische Lyrik“ heet. Text un Bild: Klang un Bedüden, Klöör un Formen, he hett Spraakbiller un Billerspraken in Collagen un Montagen to’n Beleevnis maakt.

09.05.2017

Mit Pläseer »

Dat hett nich mal een Johr duert – nu hett Manfred Briese al dat twete Book trecht. Wedder mit Vertellen un Gedichten. Sien Welt is uns Alldag. Dor kickt he sik de Lüüd an. Nipp un nau. He will weten, woans de ticken doot. Un denn maalt he dor Skizzen vun: Geschichten, de blots dat Leven vertellt.

02.05.2017

… sweevt as’n Fedder dör de Luft … »

Al lang höört Boy Lornsen siene Stücken to de, de geern un veel vörleest warrt. Wat för en Spraakkraft stickt in „Sien Schöpfung“ binnen. Un ok in „Jesus vun Nazareth“. Nu endlich sünd beide wedder op’n Markt: Tohoopbunnen in een Book.
27.04.2017

Grote Kunst un lütte Muus »

In de 1920er Johren wahnt in Hamborg en lütt Muus. De hett nix anners in’n Sinn as Flegen. An’t Enn hett se ehr flegen Kist trecht. Un mit de schafft se dat wiss un wohrraftig över dat grote Water na Amerika. Vörbild is Charles Lindbergh. Man wat Torben Kuhlmann dorvun maakt hett, dat hett Gesicht.
20.04.2017

Küern un tohören »

Woneem snackt de Minschen överhaupt Mönsterlänner Platt? An wat kann een de plattdüütsche Spraak in’t Mönsterland kennen? Wat för Oorten Platt gifft dat dor? Woveel Lüüd snackt Platt? Woans süht dat ut mit Platt in de Literatur oder in’t Theater?

13.04.2017

Minschen plegen in Brannenborg – mit Platt »

Hemm Se good schlopen? Künn Se alleen upstohn? Bruken Se Hülp biet Waschen? – Mit düsse Oort Fragen un en ganze Reeg Wöör boot dat lütte Heft Brüchen, hen na öllere Minschen, de in Brannenborg leevt un för de de Alldag op Platt eenfacher is as op Hooch.
« ‹ 1 2 3 4 5 6 7 8 9 10 › »