Bund gifft Geld för INS-Projekten

Twee Projekten staht för dat INS in't Johr 2018 noch an:

De Spraak-Klenner "Wöör mit Wutteln" kann siet dree Weken bestellt warrn (klenner@remove-this.ins-bremen.de). Week för Week warrt en plattdüütsch Woort verkloort: woneem dat herkummt, wat dat bedüden deit un woans dat bruukt warrt. Utlevert warr de Klennerin de letzten November-Daag.

De Utstellung "Wi maakt Theater" wiest vele Sieden vun dat plattdüütsche Theater-Speel. Um un bi 100.000 Lüüd sünd in goot 3.000 Speelkoppels, Speeldelen, Theatergruppen un Bühnen ünnerwegens un bringt mit jümehr Speel de plattdüütsche Spraak ünner de Minschen. De Utstellung geiht los an'n 5. Dezember 2018 avends Klock 6 in de Bremsche Börgerschap.

Dat INS leevt

Ok 2018 gellt: Dat INS is dor för all Fragen to de Regionalspraak Plattdüütsch. Wi geevt Raat un bringt Lüüd tohoop. Wat dat üm Theater, Gedichten, Musik, Kinnergoorn, Ortsschiller, enkelte Wöör oder annerswat geiht: Dat INS kümmert sik. Un so blifft dat ok.

Wo de Länner Bremen, Hamborg, Neddersassen un Schleswig-Holsteen dat INS keen Geld mehr geevt, nehmt wi - mehr as vörher - Opdrääg an, bi de wi wat verdenen köönt: Wi översett dat lütte Stück för Oma ehren 85. Geburtsdag oder wi maakt de Leesstücken op en Homepage platt.

All köönt mithölpen, dat düsse Grundlagenarbeit bi dat INS en Tokunft hett. Geevt Se uns en lütten Opdrag. Oder geevt Se uns en Spend för uns Arbeit. Jeedeen Euro hölpt. An'n eenfachsten: Warrt Se Liddmaat in den INS-Vereen.

Böker för Kinner un junge Lüüd

Datenbank zur Suche nach plattdeutscher Literatur für Kinder und Jugendliche


Plattdeutsch in den Medien

Plattdeutsche Nachrichten

Das Institut für niederdeutsche Sprache (INS) ist die einzige überregional tätige Einrichtung zur Förderung des Niederdeutschen und der am breitesten aufgestellte Dienstleister im Bereich niederdeutscher Sprach- und Kulturarbeit. Dazu ist ein gut funktionierendes Netzwerk notwendig: Das INS kooperiert mit Schulen, Kindergärten, Autoren, Pastoren, Musikern, Medien- und Theaterleuten sowie mit Vereinen und Verbänden. mehr