Antolin op Platt

Plattdüütsche Böker schüllt bald en gröttere Rull spelen bi "Antolin". Dat hett sik en Arbeitskoppel vörnahmen, de sik bi den Landschaftsverband Staad un dat INS tohoopfunnen hebbt.

"Antolin" is en Lees-Portal in't Internet, bi dat vele Scholen mitmaakt. To jeedeen Book, dat dor binnen is, gifft dat 15 Fragen. Un wenn een dat Krüüz an de richtige Steed maakt, denn gifft dat dor Punkten för. Dat Leit bi "Antolin" hett de Schroedel-Verlag.

Bet nu sünd twee plattdüütsche Böker bi Antolin opnahmen. Man de Arbeitskoppel is dor achter her, dat dat nu pö a pö mehr warrt. För teihn Böker hebbt se de Fragen al trecht. Denn dat is kloor: Lesen-Lehren mit Platt maakt plietsch!

Dat INS leevt

Ok 2018 gellt: Dat INS is dor för all Fragen to de Regionalspraak Plattdüütsch. Wi geevt Raat un bringt Lüüd tohoop. Wat dat üm Theater, Gedichten, Musik, Kinnergoorn, Ortsschiller, enkelte Wöör oder annerswat geiht: Dat INS kümmert sik. Un so blifft dat ok.

Wo de Länner Bremen, Hamborg, Neddersassen un Schleswig-Holsteen dat INS keen Geld mehr geevt, nehmt wi - mehr as vörher - Opdrääg an, bi de wi wat verdenen köönt: Wi översett dat lütte Stück för Oma ehren 85. Geburtsdag oder wi maakt de Leesstücken op en Homepage platt.

All köönt mithölpen, dat düsse Grundlagenarbeit bi dat INS en Tokunft hett. Geevt Se uns en lütten Opdrag. Oder geevt Se uns en Spend för uns Arbeit. Jeedeen Euro hölpt. An'n eenfachsten: Warrt Se Liddmaat in den INS-Vereen.

Böker för Kinner un junge Lüüd

Datenbank zur Suche nach plattdeutscher Literatur für Kinder und Jugendliche


Plattdeutsch in den Medien

Plattdeutsche Nachrichten

Das Institut für niederdeutsche Sprache (INS) ist die einzige überregional tätige Einrichtung zur Förderung des Niederdeutschen und der am breitesten aufgestellte Dienstleister im Bereich niederdeutscher Sprach- und Kulturarbeit. Dazu ist ein gut funktionierendes Netzwerk notwendig: Das INS kooperiert mit Schulen, Kindergärten, Autoren, Pastoren, Musikern, Medien- und Theaterleuten sowie mit Vereinen und Verbänden. mehr