04.07.2018

To’n Vördregen

De Welt – ankeken mit de Ogen vun en Fro üm de Föfftig, de weet, woneem se steiht in’t Leven. Plietsch amüseert se sik över allens dat, wat den Alldag utmaken deit. De Kapiteln wiest den Horizont: Heimat, Sellschop, Kerls, Familie un Bärbel – un nich blots in de letzte Afdelung stickt woll en goden Slag Autobiografie binnen.

Bärbel Wolfmeier kümmt ut de Poetry-Slam-Szene. Fast-Food-Vertellen: De Stücken sünd kort, dor is fix wat los un twüschendör gifft’t wat to lachen. Un: Ik (as Leser oder Tohörer) warr egalweg ansnackt. Kloor is: Düsse Texten sünd mehr wat to’n Vördregen un to’n Tohören. Man de een oder anner Dreih hett ok bi’t Lesen Bestand.

Dat is nu dat twete Book vun Bärbel Wolfmeier. Opwussen is se in Flensborg un se leevt nu in Dithmarschen – keen Wunner, dat bi ehr de noorddüütsche Sicht op de Welt en grote Rull speelt.

Bärbel Wolfmeier: Laat di nich piesacken. Hamburg : Quickborn 2018, 103 S.

ISBN 978-3-87651-447-5