26.03.2020

Smuustern satt

Gesche Scheller hett 27 Vertellen vun 10 Schrievers un 6 Autorinnen tohoopstellt: Smuustergeschichten ut uns Tiet. Dat geiht eben nich mehr üm Buer un Knecht oder Rullen as Amtmann oder Schoolmester. Hier geiht dat üm de Familie, üm dat, wat uns to Huus un wiet weg bemött. Wi lehrt Minschen kennen, de goot sünd för de lütten Mallbüdeleen; un ok welk för de ganz groten.

De dree Groten sünd dor mit bi: Irmgard Harder, Reiner Bull un Konrad Hansen – all dree dootbleven in’t Johr 2012. Yared Dibaba vertellt vun anner Länner, Annie Heger maracht sik mit ehr Plietschfonparanoia af, Ina Müller quäält sik mit ehr Rull as Fro rüm un Matthias Stührwoldt kann gor nich anners, as dat he op sien Buernhoff to Gang is. Allens plietsch vertellt – mal dicht an de Würklichkeit, mal mit Achtergedanken un mal mit en heel un deel verdreihte Fantasie as bi Jan Graf.

Hett dor egens al mal een över nadacht, dat de Humor bi plattdüütsche Froenslüüd anners utfallt as bi de Mannslüüd? Ilka Brüggemann, Heike Fedderke, Irmgard Harder, Annie Heger, Christa Heise-Batt un Ina Müller op de een un Reimer Bull, Bolko Bullerdiek, Yared Dibaba, Jan Graf, Konrad Hansen, Jürgen Kropp, Werner Momsen, Ralf Spreckels, Matthias Stührwoldt un Günter Timm op de anner.

 

Gesche Scheller (Hrsg.): Plattdüütsch  Leesbook mit Smuustergeschichten. Quickborn-Verlag : Hamburg 2020, 127 S.

ISBN 978-3-87651-473-4