24.05.2018

Root is de Leevde

En Book vull mit Gedichten vun de Leevde. Vun Lengen un Utproberen. Vun Liev un Geföhl. Wat is dat eegentlich, Leevde? Woans geiht dat los? Wat löppt dort wüschen twee Minschen af? Un wenn dat nich goot utgeiht? Över de Johren bruukt wi dat Besinnen. Man wat is mit dat Öller?

Dat is nu dat veerte plattdüütsche Gedichtenbook vun Rainer Prüß. Wat nee is: He blifft bi een Thema, un he wiest, op wat för Oorten een dor wat to seggen kann. Jümmers direkt, kloor un locker. Nee – Drömen un Melancholie, dor weet he wenig vun af. Un he verstickt ok nie sien männliche Sicht op de Welt.

De Biller un de Gestaltung – veel Root un Gries un Swatt – hett de Grafiker Rainer Prüss ok düt Mal wedder sülvst maakt. En Book to’n Ankieken, to’n Dörlesen un to’n Wiederverschenken .

Rainer Prüß: De Leevde. De Leevd vun Anfang bi to Enn, ohne dor wat uttoblenn. Selbstverlag : Flensburg 2018, 119 S. (Norderstraße 20a, 24939 Flensburg)

ISBN 978-3-00-059444-1