04.05.2018

Kinnerbook-Klassiker op Platt

Se gifft em to drinken, se warmt em un se nimmt em mit in ehren Boo. De Voss-Mudder kümmert sik üm dat Voss-Kind, dat se in’n Busch funnen hett. Un se nimmt dat as ehr egen an – ok wenn se al dree Voss-Kinner to Huus hett.

Irina Korschunow ehr „Finnvoss“ höört al lang to de Klassikers vun de düütsche Kinnerliteratur. Un as in en gode Fabel begäng is, steiht ok hier de Moral bavenan: Woans gaht wie en mit den annern üm? Wat heet hier frömd? Wat heet: Dat oder de höört to mi to? Wat wi Minschen vun düsse Voss-Mudder lehren köönt, dat is: Smiet dat Denken in enge Grenzen över Boord un gah mit de annern so üm as Du wullt, dat se mit Di ümgaht.

Översett hett dat Stück Günther Wehmeier, över den wi in dat Book leider nich mehr to weten kriegt. An en ganz poor Steden schull de Text för de twete Oplaag en lütt beten afännert warrn.

Irina Korschunow: De Finnvoss. Woans de lütt Voss en Mudder kreeg. Mit Biller vun Reinhard Michl. In’t Plattdüütsche översett vun Günther Wehmeier. Hamburg : Quickborn-Verlag 2018, 46 S.

ISBN 978-3-87651-448-2