03.09.2019

Geel för de eerste Schoolklass

Mit de Methoden vun den fröhen Frömdspraakünnerricht geiht Edith Sassen mit ehr Lehrbook op Platt daal. Vörher al harr se Böker för de Klassen 3 un 4 rutbröcht. In 8 Lexen geiht dat üm dat Alldagsleven vun Schoolkinner un woans dat op Platt utsehn kann: Tahlen un Farven – School – Obst – Deersten – Spelen – Bliev fit – Weer – Eten.

De enkelten Lexen sünd op een un desülvige Oort opboot. Dat gifft Sekerheit bi Schölers un Lehrers. Malen speelt jüst so’n Rull as Sik-Bewegen. De Wöör kaamt jümmers wedder: in’t Leed, in en lütten Dialog oder in en Leesstück. Een markt, dat Edith Sassen all de Ideen, de se hier op Papeer bringt, in de Praxis utprobeert hett.

Vörn steiht binnen, de Schrievwies is na Sass, man dat gellt blots to’n Deel. Un de de Biller un dat Lay-Out vun de enkelten Sieden blots as Vörbild för siene egen Teeknungen oder en Tafelbild nimmt, de warrt sik dor ok to freien.

Edith Sassen: Platt löppt. För de Lütten 1. Isensee Verlag : OIdenburg 2019, 67 S.
ISBN 978-3-7308-1513-7