10.01.2020

Frünnenbook

En Frünnenbook löppt rüm. De, den dat tohören deit, gifft dat an all, de he oder se lieden mag – ut de Schoolklass, ut de Riederkoppel oder mang de Kinner, de blangenan wahnt. Bet nu geev dat so’n Böker blots op Hooch – man nu geiht dat ok op Platt.

Jümmers en Dubbelsiet gifft dat för en Fründin oder en Fründ. Links baven in de Eck schall in Bild rin. Ja, dat is en Ehr, wenn ik mi indregen dröff. Un dat gellt för ewig. Dorüm schriev ik blangen dat Bild mien Naam in mien schöönste Handschrift mien Naam, woneem ik wahn un ok mien Geboortsdag. Denn kann ik Krüzen maken bi allens wat mik mag. Op de rechte Siet kann ik seggen, wat ik vun’t Bökerlesen, Filmankieken, Pizzaeten un so holen do. Un ik kann ok noch opschrieven, wat ik den, den dat Book tohöört, allens wünschen do.

All de Dubbelsieden sünd na desülvige Oort opboot. Man de Klöör wesselt, un ok de lütten Teekungen dorto. Dat Frünnenbook höört to de Schoolböker mit Paul un Emma mit to. De Texten hebbt Christiane un Marianne Ehlers un Karen Nehlsen maakt. De Biller sünd vun Nicola Ashtarany.

Paul un Emma. Mien Frünnenbook. Hrsg. Von der Plattdüütsch Stiftung Schleswig-Holsteen. Quickborn-Verlag : Hamburg 2019.

ISBN 978-3-87651-467-3