24.07.2019

För den Schrievdisch

Strandkörv, Scheep, Reetdackhüüs, dat platte Land – all de Biller, de een vun dat plattdüütsche Land in’n Kopp hett, finnt een in düssen Klenner. De meisten hett Silke Hars in Schleswig-Holsteen opnahmen.

För jeedeen Maand gifft dat een Blatt. Dat Oog söcht dat Bild, jümmers in klore Klören. Blangen dat Foto, an de rechte Kant, is en Snack oder en Seggwies to lesen – in’n Januar geiht dat los mit: „De Tiet vergeiht as Snee in de Sünn“. Ünner Bild un Snack steiht dat Kalendarium, un dorünner is afdruckt, woneem dat Bild maakt worrn is un wokeen dat knipst hett. As in de Johren vörher ok harr een sik wünschen kunnt, dat düsse Saken op Platt afsett worrn weren.

Opfallen deit dat lütte Format. Man mit 15,3 x 10,3 cm is de Klenner to’n Opstellen passlich för jeden Schrievdisch.

De Plattdüütsche Kalenner 2020. Cobra Verlag 2019.

ISBN 978-3-937580-97-5