15.10.2019

För de Schoolkinner

De Mildenberger-Verlag hett en Paket vun glieks fief lütte Heften to’n Lesenlehren rutgeven. Op jeedeen vun de Lees-Stufen, de se för all jümehr Leesheften inricht hebbt. Dor geiht dat üm „De Katt Sisi“, „De See beleven“, „Wat is en Tapir?“, „Wo weer dat mit de Winkingers?“ un „Arbeit för Hunnen“.

De Heften vertellt lütte Saken-Geschichten, as se in de Grundschool vun vundaag bruukt warrt. De Biller dorto sünd Fotos - blots bi de Winkingers seht wi klore Teeknungen. Düsse lütten Heften kriegt ok de ganz Lütten al vun vörn bet achtern dör: Dat eerste plattdüütsche Book, dat ik heel un deel dörleest heff un dat ik ok vörlesen kann.

Sett sünd de Texten na de Sülven-Method – jeedeen Sülv hett ehr egen Klöör. To’n Anhören staht de Texten op de Homepage vun den Mildenberger-Verlag. De Texten hett Myriam Kolbe in’t Plattdüütsche översett. Un dat INS hett dor noch mal röverkeken.

Lesestart mit Eberhard. Plattdeutsch: De Katt Sisi / De See beleven / Wat is en Tapir? / Wo weer dat mit de Winkingers? / Arbeit för Hunnen. Mildenberger : Offenburg 2019, je 16 S.

Bestell-Nr: 430-21 / 430-32 / 430-45 / 430-51 / 430-71

ISBN 978-3-619-04321-7 / 978-3-619-04332-3 / 978-3-619-04345-3 / 978-3-619-04351-4 / 978-3-619-04371-2