13.03.2019

De groten Veer

Groth, Reuter, Brinckman un Fehrs – Ludo Simons hett in düt Book tohoopstellt, wat he twüschen 1961 un 2005 to de groten Namen ut de plattdüütsche Literatur veröffentlicht hett. Utgahn is he vun de Nedderlannen un Flandern, un he hett fraagt, woans dat en Uttuusch geven hett twüschen den nedderlannschen Spraak- un Kulturruum un den plattdüütschen.

Ludo Simons weer an’n Anfang vun de 1960er Johren in de plattdüütsche Wetenschaft een vun de jungen Wilden. Laterhen weer he Direkter vun dat Literaturmuseum in Antwerpen, un denn vun de Universitätsbibliothek dor. An de Uni harr he en Lehropdrag för Nedderdüütsch.

Kloor is: De söss Opsätz un twee Rahmenstücken sünd mit de Tiet nich oolt un mörr worrn. Nee, jeedeen, de sik för de Grundlagen vun de plattdüütsche Literatur interesseren deit, schull düt Book in sien Handapparaat hebben.

 Ludo Simons: Niederdeutsches Quartett. Groth, Reuter, Brinckman, Fehrs in Flandern und den Niederlanden. Berlin : Autumnus 2019, 144 S.

ISBN: 978-3-96448-007-1