15.08.2019

De eersten Wöör op Platt

Lütt-Mariken hett dat bannig hild: Se speelt, vertellt un singt. Wat se dor so jeden Dag beleven deit, dat wiest ehr en Welt in mekelnborger Platt. Mit Lütt-Mariken speelt wi an’n Strand, lehrt allerhand Dele vun uns Liev kennen un kaamt sogoor den Wiehnachtsmann in de Mööt.

Dat grote Billerbook vun Marita un Johanna Bojarra lett Lütt-Mariken un uns indükern de plattdüütsche Spraak: Klören, Appeln un Beren, Grööntüüch un de Tallen. Kloor is: Dat Book is för Kinner, de noch gor nich lesen köönt – dor mutt also een mithölpen, dat de Wöör ok bi Mariken – un all de annern – ankaamt.

Dat sünd de bunten Biller vun Steffi Meyer, de dat Heft so’n fründlich Gesicht geevt. Veel is dor in Blau, Geel un Gröön. Vör allen de Deerten maakt Indruck, man ok Lütt-Mariken sülvst kann sik sehn laten.

Marita und Johanna Bojarra: Plattdütsch mit Lütt-Mariken. Rostock : BoD. 2017, 20 S.

ISBN 978-3-00-058251-6